Սարսափ ֆիլմերը վնասակար են առողջության համար. 1in.am

Բժիշկների խոսքերով` սարսափ ֆիլմեր դիտելու հետևանքով մարդկանց արյան մեջ փոփոխություններ են տեղի ունենում, գրում է The Telegraph-ը: Մասնավորապես, դա վերաբերում է արյունը մակարդող սպիտակուցին, որը հայտնի է, որպես ֆակտոր VIII:

Ստացվում է, որ «արյունը սառում է երակներում» արտահայտությունը ցույց է տալիս մարդու հետ կատարվողը, երբ նա վախենում է: Էվոլյուցիան մարդու մարմնին սովորեցրել է ծայրահեղ իրավիճակներում նախօրոք պատրաստվել արյան հնարավոր կորստի: Իսկ վախն այն բանի նշան է, որ այդպիսի իրադրություն կառաջանա:

Վերոնշյալն ուսումնասիրելու համար բժիշկները հետազոտել են մինչև 30 տարեկան մոտ 24 առողջ կամավորների: Կամավորներից 14-ը դիտել են սարսափ ֆիլմեր, որից հետո՝ չեզոք ուսուցողական ֆիլմ: Մնացածները նայել են նույնը, բայց հակառակ հերթականությամբ: Պարզվել է, որ սարսափների դիտումից ֆակտոր VIII-ը բարձրացել է ավելի քան 11 միավոր: Դա արդեն խցանումների գոյացման իրական ռիսկ է:

Հարցեր, պատասխաններ, մեկնաբանություններ